ಅರೋಗ್ಯವಾಗಿ ದೇಹದ ತೂಕ ಹೆಚ್ಚಿಸುವುದು ಹೇಗೆ ? | How to gain weight tips in kannada
ನೋಡಲು ಸುಂದರವಾಗಿ ಕಾಣಬೇಕೆಂಬುದು ಪ್ರತಿಯೊಬ್ಬ ವ್ಯಕ್ತಿಯ ಆಸೆಯಾಗಿರುತ್ತದೆ .ಆದರೆ ಕೆಲವು ಜನರು ತೀರಾ ತೆಳ್ಳಗಿರುತ್ತಾರೆ . ಇದರಿಂದ ಬಹಳ ಬೇಸರವಾಗಿ ಹೇಗಾದರೂ ತೂಕ ಹೆಚ್ಚಿಸಿಕ್ಕೊಳ್ಳುವುದಪ್ಪಾ,ದಪ್ಪ ಆಗುವುದು ಹೇಗೆ ಎಂದೆಲ್ಲಾ ಎಂದು ಯೋಚಿಸುತ್ತಿರುವುದು ಸರ್ವೇ ಸಾಮಾನ್ಯ .
ದೇಹದ ತೂಕ ಹೆಚ್ಚಿಸಿಕೊಳ್ಳಲು ಅನುಸರಿಸಬೇಕಾದ ಕೆಲವು ವಿಧಾನಗಳು .
ಚೆನ್ನಾಗಿ ತಿನ್ನಿ :
ಎರಡರಿಂದ ಮೂರು ಬಾರಿ ಅತಿಯಾಗಿ ತಿನ್ನುವ ಬದಲು ಇದನ್ನೇ ಐದರಿಂದ ಆರು ಬಾರಿ ಸ್ವಲ್ಪ ಸ್ವಲ್ಪವೇ ತಿನ್ನುವುದು ಉತ್ತಮ . ಹೀಗೆ ಮಾಡಿವುದರಿಂದ ನಿಮ್ಮ ಜೀರ್ಣ ಕ್ರಿಯೆಯೂ ಕೂಡ ಉತ್ತಮವಾಗಿರುವುದಲ್ಲದೆ ತೂಕವನ್ನೂ ಹೆಚ್ಚಿಸಬಹುದು .
ಪೌಷ್ಟಿಕಾಂಶಯುಕ್ತ ಆಹಾರ ಪಧಾರ್ಥಗಳನ್ನು ಸೇವಿಸಿ :
ನಿಮ್ಮ ದಿನನಿತ್ಯದ ಆಹಾರ ಕ್ರಮದಲ್ಲಿ ಹೆಚ್ಚು ಪೌಷ್ಟಿಕಾಂಶಯುಕ್ತ ಪದಾರ್ಥಗಳಾದ ಧಾನ್ಯ , ಹಣ್ಣು ಮತ್ತು ತರಕಾರಿಗಳನ್ನು ಬಳಸುವುದು ಉತ್ತಮ .
ಇಂತಹ ಆಹಾರವು ನಿಮ್ಮ ತೂಕವನ್ನು ಹೆಚ್ಚಿಸುವುದಲ್ಲದೆ ,ನಿಮ್ಮ ಶರೀರದ ರೋಗ ನಿರೋಧಕ ಶಕ್ತಿಯನ್ನೂ ಹೆಚ್ಚಿಸುತ್ತದೆ .
ಕ್ಯಾಲೋರಿಯುಕ್ತ ಪಾನೀಯಗಳ್ಳನ್ನು ಸೇವಿಸಿ :
ಚಹಾ ,ಕಾಫಿ ಮುಂತಾದವುಗಳ ಬದಲಾಗಿ ಹೆಚ್ಚಾಗಿ ಹಾಲು ಅಥವಾ ತಾಜಾ ಹಣ್ಣುಗಳಿಂದ ಮಾಡಿದ ತಂಪು ಪಾನೀಯಗಳ್ಳನ್ನು ಕುಡಿಯಿರಿ .
ಇತರ ಪಾನೀಯಗಳು ಹೊಂದಿರದ ಕ್ಯಾಲೋರಿ ಮತ್ತು ಪೋಷಕಾಂಶಗಳನ್ನು ಇವು ನಿಮಗೆ ಕೊಡುತ್ತದೆ .
ಜಂಕ್ ಫುಡ್ ಗಳಿಂದ ದೂರ ಇರಿ :
ಕಡಿಮೆ ಪೋಷಕಾಂಶವುಳ್ಳ ಆಹಾರ ಪದಾರ್ಥಗಳಾದ ಜಂಕ್ ಫುಡ್ ಗಳು ನಿಮ್ಮ ದೇಹದಲ್ಲಿ ಬೊಜ್ಜು ಬೆಳೆಯುವುದಕ್ಕೆ ಸಹಾಯ ಮಾಡುವುದಲ್ಲದೆ ನಿಮ್ಮ ದೇಹದಲ್ಲಿ ಮಧುಮೇಹದಂತಹ ಕಾಯಿಲೆಗಳಿಗೆ ಕಾರಣವಾಗಬಹುದು .
ನಿಮ್ಮ ಆಹಾರದ ರುಚಿಯನ್ನು ಹೆಚ್ಚಿಸಿ :
ಕಡಿಮೆ ತೂಕವುಳ್ಳ ಜನರು ಆಹಾರವು ತಮ್ಮನ್ನು ಆಕರ್ಷಿಸುವುದಿಲ್ಲ ಎಂದು ದೂರುತ್ತಾರೆ ,ಹಾಗಾಗಿ ಪ್ರತಿದಿನ ರುಚಿ ರುಚಿಯಾದ ಅಡುಗೆಯನ್ನು ಮಾಡುವುದು ಉತ್ತಮ .
ಹೊಸ ಹೊಸ ಬಗೆಯ ಭಕ್ಷ್ಯ ಗಳನ್ನು ತಯಾರಿಸುವ ಮೂಲಕ ನಿಮ್ಮ ಆಹಾರವನ್ನು ಹೆಚ್ಚು ಇಷ್ಟಪಡುವಂತೆ ಮಾಡಿ .
ವ್ಯಾಯಾಮ :
ವ್ಯಾಯಾಮವು ಹಸಿವನ್ನು ಹೆಚ್ಚಿಸುತ್ತದೆ . ಇದು ನಿಮ್ಮ ಸ್ನಾಯುಗಳಿಗೆ ಬಲಿಷ್ಠಗೊಳಿಸುವುದಲ್ಲದೆ ತೂಕವನ್ನು ಹೆಚ್ಚಿಸುವಲ್ಲಿ ಪ್ರಮುಖ ಪಾತ್ರವಹಿಸುತ್ತದೆ .
ತೂಕ ಹೆಚ್ಚಿಸುವ ಕೆಲವು ಆಹಾರ ಪದಾರ್ಥಗಳು :
1. ಹಾಲು :
- ಹಾಲು ಒಂದು ಕೊಬ್ಬು ,ಕಾರ್ಬೋಹೈಡ್ರೇಟ್ಸ್ ಮತ್ತು ಪ್ರೊಟೀನ್ಗಳ ಮಿಶ್ರಣವಾಗಿದೆ .
- ಇದು ಕ್ಯಾಲ್ಸಿಯಂ ಸೇರಿದಂತೆ ಜೀವಸತ್ವಗಳು ಮತ್ತು ಖನಿಜಗಳ ಉತ್ತಮ ಮೂಲವಾಗಿದೆ .
- ವ್ಯಾಯಾಮದ ನಂತರ ಕೆನೆಭರಿತ ಹಾಲನ್ನು ಕುಡಿಯುವುದರಿಂದ ಸ್ನಾಯುಗಳನ್ನು ಹೆಚ್ಚು ಪರಿಣಾಮಕಾರಿಯಾಗಿ ನಿರ್ಮಿಸಲು ಸಹಾಯ ಮಾಡುತ್ತದೆ .
- ಇದು ದೇಹದ ತೂಕವನ್ನು ಹೆಚ್ಚಿಸಲು ಬಯಸುವ ಜನರಿಗೆ ಉತ್ತಮ ಆಯ್ಕೆ .
2. ಪ್ರೋಟೀನ್ ಶೇಕ್ಸ್ :
- ಪ್ರೋಟೀನ್ ಶೇಕ್ ಗಳು ಸುಲಭವಾಗಿ ಮತ್ತು ಪರಿಣಾಮಕಾರಿಯಾಗಿ ತೂಕವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.
- ಪೂರ್ವತಯಾರಿತ ಪ್ರೋಟೀನ್ ಶೇಕ್ ಗಳ ಬದಲು ತಾಜಾ ಪ್ರೊಟೀನ್ ಶೇಕ್ ಗಳನ್ನು ಮಾಡಿ ಕುಡಿಯುವುದು ಉತ್ತಮ .
3. ಅಕ್ಕಿ :
- ಒಂದು ಕಪ್ ಅಕ್ಕಿಯಲ್ಲಿ ಸುಮಾರು ೨೦೦ ಕ್ಯಾಲೋರಿಯಷ್ಟು ಅಂಶವಿರುತ್ತದೆ .
- ಇವು ಕಾರ್ಬೋಹೈಡ್ರೇಟ್ ಮತ್ತು ಕ್ಯಾಲೋರಿಗಳ ಉತ್ತಮ ಮೂಲವಾಗಿದೆ .
- ಇದು ತೂಕ ಹೆಚ್ಚಿಸಿಕ್ಕೊಳ್ಳುವವರಿಗೆ ಒಳ್ಳೆಯ ಆಹಾರ .
4. ಮೊಟ್ಟೆ :
- ಮೊಟ್ಟೆಯು ಪ್ರೋಟೀನ್ ,ಆರೋಗ್ಯಕರ ಕೊಬ್ಬು ಮತ್ತು ಇತರ ಪೋಷಕಾಂಶಗಳಿಂದ ಭರಿತವಾಗಿದೆ .
- ಹೆಚ್ಚಿನ ಪ್ರಮಾಣದ ಪೋಷಕಾಂಶಗಳು ಮೊಟ್ಟೆಯಲ್ಲಿರುವ ಹಳದಿ ಲೋಳೆಯಲ್ಲಿ ಅಡಕವಾಗಿರುತ್ತದೆ .
5. ಕೆಂಪು ಮಾಂಸ :
- ಕೆಂಪು ಮಾಂಸವು ಲುಸಿನ್(ಅಮೈನೋಆಸಿಡ್ ) ಅನ್ನು ಹೊಂದಿರುವುದರಿಂದ ಸ್ನಾಯುವನ್ನು ಬಲಪಡಿಸಲು ಸಹಾಯಕಾರಿ .
- ಇದು ಪ್ರೋಟೀನ್ ಮತ್ತು ಕೊಬ್ಬಿನ ಅಂಶ ಎರಡನ್ನು ಹೊಂದಿರುವುದರಿಂದ ವೇಗವಾಗಿ ತೂಕ ಹೆಚ್ಚಿಸಿಕ್ಕೊಳ್ಳುವುದ್ದಕ್ಕೆ ಹೆಸರುವಾಸಿ .
6. ಓಟ್ಸ್ :
- ತೂಕವನ್ನು ಇಳಿಸುವುದರ ಜೊತೆಗೆ ತೂಕ ಹೆಚ್ಚಿಸಿಕೊಳ್ಳಲು ಯೋಚಿಸುವವರಿಗೂ ಓಟ್ಸ್ ಒಂದು ಬಹಳ ಸಹಕಾರಿಯಾಗಿದೆ .
- ಹಾಲು ,ಬಾಳೆಹಣ್ಣು ,ಒಣದ್ರಾಕ್ಷಿ ಮತ್ತು ಇತರ ಪ್ರೋಟೀನ್ ಪದಾರ್ಥಗಳೊಂದಿಗೆ ಓಟ್ಸ್ ಸೇವಿಸುವುದರಿಂದ ದೇಹದ ತೂಕ ಹೆಚ್ಚಾಗುತ್ತದೆ .
7. ಒಣಗಿದ ಹಣ್ಣುಗಳು :
- ಒಣ ಹಣ್ಣುಗಳು ಕ್ಯಾಲೋರಿ ,ಆರೋಗ್ಯಕರ ಫೈಬರ್ ಮತ್ತು ಉತ್ಕರ್ಷಣ ನಿರೋಧಕಗಳಿಂದ ತುಂಬಿರುತ್ತದೆ .
- ಎಲ್ಲಾ ರೀತಿಯ ಒಣಗಿದ ಹಣ್ಣುಗಳಲ್ಲಿ ನೈಸರ್ಗಿಕವಾಗಿ ಅಧಿಕ ಸಕ್ಕರೆ ಅಂಶ ಇರುವುದರಿಂದ ತೂಕವನ್ನು ಬೇಗನೆ ಹೆಚ್ಚಿಸಿಕ್ಕೊಳ್ಳಲು ಇದು ಒಂದು ಸುಲಭ ಮಾರ್ಗ .
8. ಆಲೂಗಡ್ಡೆ :
- ಪಿಷ್ಟ ಆಹಾರಗಳಾದ ಆಲೂಗಡ್ಡೆ ಮತ್ತು ಜೋಳವು ತ್ವರಿತ ತೂಕ ಹೆಚ್ಚಿಸುವುದಕ್ಕೆ ಹೆಸರುವಾಸಿ .
- ಆಲೂಗಡ್ಡೆಯು ಕ್ಯಾಲೋರಿ ,ಕಾರ್ಬೋಹೈಡ್ರೇಟ್ ,ಫೈಬರ್ ಮತ್ತು ಇನ್ನಿತರೆ ಪೋಷಕಾಂಶಗಳನ್ನು ದೇಹಕ್ಕೆ ಒದಗಿಸುತ್ತದೆ .
- ಇದು ತೂಕವನ್ನು ಹೆಚ್ಚಿಸುವುದಲ್ಲದೆ ,ಕರುಳಿನ ಬ್ಯಾಕ್ಟೀರಿಯಾವನ್ನು ಪೋಷಿಸಲು ಸಹಾಯ ಮಾಡುತ್ತದೆ .
9. ಕೊಬ್ಬಿನ ಮತ್ತು ಎಣ್ಣೆಯುಕ್ತ ಮೀನು :
- ಸಾಲ್ಮೊನ್ನಂತಹ ಕೊಬ್ಬಿನ ಮೀನುಗಳಲ್ಲಿ ಅಗತ್ಯವಾದ ಕೊಬ್ಬಿನಾಮ್ಲಗಳು ಮತ್ತು ಪ್ರೊಟೀನ್ಗಳಿವೆ.
- ಇವುಗಳು ತೂಕವನ್ನು ಹೆಚ್ಚಿಸುವುದಲ್ಲದೆ ಶರೀರಕ್ಕೆ ಅಗತ್ಯವಾಗಿ ಬೇಕಾದ ರೋಗನಿರೋಧಕ ಶಕ್ತಿಯನ್ನು ಅಧಿಕಗೊಳಿಸುತ್ತದೆ.
10. ಬಾಳೆಹಣ್ಣು :
- ಬಾಳೆಹಣ್ಣು ತೂಕವನ್ನು ಹೆಚ್ಚಿಸುವ ಅತ್ಯುತ್ತಮ ಮೂಲವಾಗಿದೆ .
- ದಿನದಲ್ಲಿ ಎರಡು ಬಾಳೆಹಣ್ಣನ್ನು ತಿನ್ನುವುದರಿಂದ ವೇಗವಾಗಿ ತೂಕವನ್ನು ಗಳಿಸಲು ಸಾಧ್ಯವಾಗುತ್ತದೆ .
ಇನ್ನಷ್ಟು ಲೇಖನಗಳನ್ನು ಓದಿ:
ಕಾಮೆಂಟ್‌ಗಳು
ಕಾಮೆಂಟ್‌ ಪೋಸ್ಟ್‌ ಮಾಡಿ